連拍卅六小時戲

    陳曉華食朱古力頂眼瞓

    無線新劇《法證先鋒V》昨日到商場舉行宣傳活動，蔡潔、洪永城、王敏奕及陳曉華等主角齊齊出席。王敏奕、陳曉華在玩遊戲時，戴上卡通拳套打男演員肩膊和臀部，十分搞笑。一眾女演員又輪流做出慘樣，結果蔡潔獲選為“最慘”藝人。

    陳曉華現在忙於趕拍新劇《異空感應》，她表示：“因為要趕拍廠景，搞到睡眠不足。最長試過三十六個鐘頭冇瞓覺，係我入行以來最長的一次。”不過她都想到辦法應付，就係食黑朱古力。她笑言：“食完可提神，又不會致肥，每拍完一場食一塊，如果有動作戲拍時，食咗更可補充體力。”

    談回她在《法證先鋒V》中演一對母女（她一人分飾兩角），她表示自己好鍾意八○年代爆炸頭的媽媽造型：“我想過明年台慶時，試吓以爆炸頭配晚裝出場，諗起都好過癮。”

    蔡潔在《法證先鋒V》的演出大受好評，而她早前在戲中的全裸被綁架戲，更成為網友熱話。洪永城表示：“蔡潔這場戲我也有收看。原本拍攝當日我想去幫她影相，當作留念，她當然是不准我拍啦。我都有找機會向監製借毛片看，結果被王敏奕喝止，話我要表現出做演員的專業。”

    洪永城日前生日，他竟與囡囡過“二人世界”，沒有和太太一起過，問他老婆可有呷醋？他笑言：“由囡囡出世起，老婆就開始呷醋啦，我都唔知點樣氹返佢？”身旁的王敏奕即教路：“每次你返屋企，都要先同老婆打招呼，不要第一時間衝去抱囡囡，平時也要多買小禮物氹老婆。”

    王敏奕看來都有湊小朋友的經驗，記者笑問她又是否已準備好做媽咪？她馬上否認道：“我只係自細開始就湊細佬，有些經驗而已。問我幾時生兒育女？順其自然啦！”