昨日賽事總投注二百一十萬

    高君濤中野省吾起孖

    昨天沙地日賽完結。是仗戲碼平平，五場賽事總投注共二百一十萬六千元。

    頭場六班跑短途熱頭冷腳，中野省吾騎譚廄“養貓快樂”先拔頭籌。此雙人馬上次贏完再來，今次原配戰原程。騎者駕輕就熟，出閘快步搶前守好位，沿途節節推進，入直路發力衝剌，埋門將對手一網打盡，蠃來清脆俐落。“養貓快樂”開竅後打疊贏兩場，馬匹表現進步，料季內跑沙地還有頭馬見面。中野省吾、譚文就攜手添頭馬。

    第二場高君濤騎馮廄“友心”平反敗局。此駒上次高君濤主轡，大熱門只跑第三輸得人多。拼後小休重整旗鼓落班孭重磅再戰，仍難逃大熱門地位。今次出閘跟住第三，全程小心翼翼，入直路發力一攻而破，替馬匹補中。“友心”沙地特佳，今次贏來生氣重現，下次升班仍堪重視。高君濤、馮耀正齊添進帳。

    第三場高君濤起孖。此子贏完“友心”乘勝追擊，是場騎俊廄“飛龍在天”輕鬆挫敵。此駒上次田中正一跑短途贏完再來，今次轉戰一三五○米回配老搭檔高君濤主轡。騎者出閘快步跟住五六位，入直路發力竄上，埋門三扒兩撥甩開對手直奔終點，贏來從容不迫。“飛龍在天”連下兩城越戰越勇，陳俊輝添頭馬，高君濤連中兩元。

    第四場張志立贏兆廄“頂峰神驅”。此雙人馬連仗表現穩定，上次同程跑第二。拼後原裝人馬捲土重來，今次留前鬥後，直路如飛殺上挫敗對手，替馬匹勝回一仗。張兆煊廄贏馬，騎者居功。

    尾場中野省吾起孖食尾餬。此子騎錢廄“超友福”以快放姿態走返。此駒上次同程力拼第三未竟全功，今次原配戰原程臨場大熱。騎者出閘應聲彈出，全程貼欄領放，一口氣直帶到底，替馬匹勝回一仗。錢健明廄贏馬，中野省吾起孖食尾餬埋齋。