Do姐自由身返無線做節目

    鄭裕玲（Do姐）早前已約滿離開無線，但她昨日又在電視城亮相。原來她之前拍了六集《樓價有得估》節目，昨日是為該節目多拍四集。她笑言：“我都唔知算唔算係為節目添食，但既然時間上都能夠配合，當然願意返嚟再拍啦！”

    談到工作的新動向，Do姐表示：“其實都有好多工作都未落實。我唔想好似煲無米粥咁事先張揚，等一切落實後就會公佈。”

    另外談到她與黃子華的經典劇《男親女愛》在深夜重播，Do姐表示：“咁夜我都已經瞓覺，所以冇追看。不過聽講有觀眾話捱夜都要睇，所以收視都不錯。有人又話劇情一啲都唔覺得舊，仍然好好笑。”

    昨日，蔣家旻與劉穎鏇為這節目擔任嘉賓，她們都表示正努力賺錢，想買樓當業主。