昨晚賽事總投注二百○七萬

    譚文就起孖收穫豐

    昨晚沙地賽完結。是仗跑五場且出馬有限，總投注額共二百○七萬三千元。

    頭場六班角逐短途。全廄“金寶城”臨場退出，實得九駒參戰。譚廄“幕后英雄”交梁曉傳執鞭，出閘快放搶先，由頭直帶到尾，大勝對手六個身位。此駒連季未能出頭，上次高君濤掛帥大熱門只得第三。今次起用梁曉傳減磅再搏，騎者不負所托，替馬匹打開來澳勝利門。跑完獨贏變大熱只得兩倍，可見幕後信心爆棚。“幕后英雄”打破齋砵，譚文就、梁曉傳攜手建功。

    第二場高君濤替馮耀正廄“盛通寶貝”贏馬。此駒來澳出戰多仗未開齋，最叻草地獲一亞一季，上次蔡義武跑同程得第四。今次扳大頭由高君濤主轡，發揮不同凡響，出閘快步搶先，全程一氣呵成直放到尾，贏得清脆俐落。“盛通寶貝”來澳首傳捷報，騎、練居功。

    第三場譚文就廄起孖。旗下“誰愛合金”由劉傲執鞭閘開應聲彈出，全程快放領先，一口氣直帶到尾，贏來全無敵手。此駒上次張志立跑草地千二米，唔識出閘起步包尾，結果無功而回。今次用牌仔再搏，劉傲出閘把握先機，人馬贏來悅目。譚廄起孖收穫豐，騎者亦居功。

    第四場任布利爆冷贏基廄“寶湖之友”。此駒季內表現時好時劣，前次同程得第三，上次草地千八米跑到無影無蹤。今次原配任布利復跑同程由蟲變龍，十四倍冷W殺至對手一頸血。任布利、林宏基喜添頭馬。

    尾場余健雄爆冷贏張兆煊廄“英雄菲爾”食尾餬。此駒上次張志立跑草地千五米大敗而回，拼後轉戰沙地，改配余健雄主轡發揮又不同，出閘由頭直帶到尾，二十倍冷W爆個不亦樂乎。“英雄菲爾”開齋，騎、練攜手食尾餬。