蔣家旻初戀男友似關智斌

    蔣家旻、鮑起靜、吳家樂及文雪兒等，前日出席短劇《仁濟心》記者會。擔任劇集旁述的鮑姐，講到大家都落力演出，一時感動得眼濕濕。而劇集男主角袁偉豪昨日因臨時有事缺席，未知跟他早前曾在社交平台控訴被傳媒針對是否有關。蔣家旻說以前在仁濟屬下學校讀書，曾當仁濟之星，所以今次有份參與演出，很開心及滿足。她透露劇中飾演遭雙親拋棄的反叛女生，其中更有十七歲的學生造型。她笑言最初都怕自己有違和感。

    求學時是否好反叛？蔣家旻說：“算乖嘅，唯一反叛係貪靚摺短條校服裙！（好多男仔追？）我唔係最受歡迎嗰啲，唔算多男仔追。但中三時同大我兩年嘅師兄拍拖，而家人哋都結咗婚生埋仔。”她形容初戀男友似足關智斌：“嗰時鍾意呢類型，後來十六歲左右我拍劇都見過關智斌，佢對眼大到我唔敢望，真係心心眼。（有冇話佢知，你初戀似佢？）冇，不過佢出個人唱片時，都有簽埋名送畀我，令到我冧滋滋。”