關詠荷被網友讚凍齡

    張家輝：老婆幾時都咁靚

    電影《超意神探》前晚舉行首映禮，張家輝、周勵淇及唐文龍齊出席撐場。在戲中演患有“超憶症”警探的張家輝，笑言自己現實生活中卻有時會冇記性。談到他老婆關詠荷近日拍的廣告播出後，被網友大讚凍齡，家輝亦讚老婆後生時好靚，年紀大咗都係咁靚。

    張家輝在新片《超意神探》中演“超憶症”警探，現實生活中又是否好好記性？他受訪時表示：“工作方面都可以，以前拍TVB古裝劇，有一兩頁對白都冇問題，但家庭私事方面，好容易忘記，呢個情況好多年前已經有。（是否家事會交由太太關詠荷處理？）又唔係，佢會問返我，總之大家記到就記啦，記唔到都冇辦法。”

    關詠荷近日拍的廣告播出後，被網友大讚她凍齡，家輝又點睇？他亦大讚老婆：“佢係正喎，（喺屋企望住太太時都話正？）係，我話佢後生時靚，年紀大又靚，之後老咗都係咁靚，佢將來老咗都係好靚嘅女人。（證明你好有眼光？）都係佢好彩啫。（太太凍齡，你又可有壓力？）我本身係靚仔，邊有壓力，我係混血兒，番禺溝廣州的，哈哈。”

    談到《超意神探》被指在內地變成了“網大”（網上大電影），家輝又可會介意？他表示：“我唔會介意，身為演員，只要演好戲便可以，其他事理唔到咁多。‘網大’都係電影，如果遇到心動嘅角色或好好嘅班底，我都會參與。”

    周勵淇去年被傳懷上第二胎，她前晚受訪時澄清沒有其事，她表示：“我覺得一個小朋友都幾好，暫時唔會生住，湊一個仔我已經覺得好辛苦。（你覺得開工辛苦定湊仔辛苦？）湊仔辛苦啲，我寧願開工，（老公冇幫手湊仔嗎？）有，但囝囝都係黐阿媽多啲！”