王丹妮兩三年內暫不生育

    昨日，王丹妮(Louise)、郎朗老婆吉娜愛麗絲(Gina Alice)到中環出席活動，Gina Alice即席以鋼琴演奏一曲。講到拍劇時成為張孝全的“鐵粉”，會否令老公吃醋？Louise笑說：“佢唔會嘅，佢好明白，我哋公私分明。張孝全喺劇裏面嘅造型，我哋所有女士都畀佢迷倒。”提到昨日亮相腹部似乎微隆，問她是否有喜，她笑說：“唔係啩，冇呀，可能係條裙嘅褶，冇呢個時間，同埋好可疑喎，我五個幾月冇見過老公，個時間唔啱喎。”她笑指除非有意外，否則兩三年內大家會先努力工作，待老公成為醫生之後再“造人”。

    王丹妮剛由多明尼加共和國拍攝全英語對白演出的電視劇《Coolie》四個多月後回港，她笑言出發前，剛新婚就與老公羅孝勇變成“網戀”，期間會相約一齊在網上睇戲、講電話、分享照片，靠小情趣維繫感情。她說：“老公下星期一返港，終於可以見面，但因為自己有工作在身，暫時唔可以去旅行。”她又指分隔兩地反而能增進感情，因為大家都明白不再是十八、廿二歲玩玩吓，已經肯定對方的愛，所以很放心和信任。