譚嘉儀年底開騷要減肚腩

    昨日，歌手譚嘉儀和施匡翹出席活動，嘉儀稱近三年冇出席商演，笑言好掛住觀眾的反應。提到原本一月的處女騷，因疫情被迫延期，現落實在十二月九日在麥花臣舉行。談到演唱會由年頭改到年尾，Rundown上有不少改良，她也要積極瘦身：“希望再減兩至三磅，都有小肚腩，想再弗啲，希望練到馬甲線。（演唱會曬性感？）呢啲交畀服裝師，仲未知衫係點，希望以型格為主，健康性感都OK。”

    施匡翹說今個月已出席四個商演，之前還在活動中獻唱，跟粉絲互動，感覺難得。施匡翹說近日工作密密麻麻，除準備推新歌外，亦有意開騷，目標在下年，希望到時可以配合新碟一同推出。另外，提到十月將有份參與劇集《我們的開學禮》續集《我們的畢業禮》，她好開心有份參演長劇，該劇總共有二十多集。施匡翹說角色很有挑戰性，亦有很多前輩參演，如馬浚偉、劉心悠及湯寶如等。