愛國艷星奇女子

    狄娜，人稱奇女子，叔父講起，眉飛色舞。於影壇，佢夠膽露；於商場，佢敢破產，仲係第一人。情場雖幾度跌宕，石榴裙下依然蜂蝶無數。然襄王有心，神女無意，情場波濤，更顯狄姑本色。

    狄姑乃馬交女，係聖羅撒女校學霸，年年第一。因被亞蛇扣一分，無緣榜首，有感不公，遂逃校過港，未幾即以花季之齡投身影壇。《七擒七縱七色狼》震撼影壇，《大軍閥》奠定艷星絕對地位，至今無人可撼動。

    有曰紅顏禍水。狄姑自言窮半生勸人勿追佢。然天生麗質，仍自有投網者。當年公仔箱劉、李兩公子追花撲蝶，乃至有人服藥兼終生不娶；不文叔為贏得芳心，在紅顏面前戒絕粗口；有人更以俄羅斯輪盤賭命示愛。

    狄姑之奇，在於有佢咁靚，冇佢咁艷；有佢咁艷，冇咁膽色；有咁膽色，冇咁愛國。改革開放之初，狄姑於科技、國際市場為內地牽線搭橋，頗得稱許。廿一年前今日，狄姑駕鶴西去。

    西門公子