【專訪】政府今日（十一日）至下月（九月）底以電話訪問市民及經屋住戶，收集對經屋置換制度的意見。有經屋住戶表示歡迎，不過，亦有住戶稱，現時經濟差，分分鐘失業，都未必有條件置換。

　有經屋住戶表示，政府就經屋置換開始收集意見，體現政府對經屋住戶訴求有聽到，亦開始回應，屬好事，相信滿足到有需要的經屋住戶。亦有住戶稱，自己同父母居住經屋已近二十年，覺得現時經住空間比較細，周邊設施比較舊，始果有得置換，計劃換一個較大單位，及配套設施較新的經屋，如果自己要結婚，及生小朋友，都算有多點生活空間。

　不過，亦有經屋住戶稱，自己一家四口戶在兩房經屋單位，最理想是置換一個三房單位，讓兩個小朋友一人一間房，避免日常生活上的磨擦，例如做功課溫習都有自己空間，不過，現時的經濟環境好差，擔心自己隨時失業，太太做服務行業，亦都有可能分分鐘失業，未必如疫情前容易搵到份新工，所以即使有置換，都未必有經濟條件置換。因此，希望有關計劃屬長期措施，等自己有能力，經濟好點及份工穩定時，有置換機會。◇