葉童黃德斌舞台劇預告互“唱”

    由葉童和黃德斌領銜主演，改編自上海話劇藝術中心原創舞台劇《不可說》的廣東話版黑色喜劇：《唔講得》，將於九月四日至七日在香港文化中心大劇院重演。

    日前《唔講得》劇中五位演員包括葉童、黃德斌、楊永德、翁煒桐和李俊樂進行新一輪排練。黃德斌表示：“呢個劇過咗咁耐再喺香港重演，對我嚟講係一個新鮮嘅體驗，因為今次有啲唔同，特別係音樂方面嘅處理方式，我會當佢係一個新嘅劇去做。”

    葉童透露：“今次重演我哋有個新嘗試，呢個新嘗試就係我同德斌喺個劇度本來係鬧交，鬧鬧吓就不如‘唱’佢好似好啲。”黃德斌說：“我哋會係現場互‘唱’，將裡面一啲心底話‘唱’出嚟。”

    葉童續說：“我唔單止會獨唱樂壇大姐大嘅歌，我仲會同德斌合唱一首天王天后級嘅歌，去‘唱’出我哋係劇入面嘅心情。我哋一直以嚟都係用對白呈現感覺同故事，今次就將我哋嘅心情用歌曲呈現，我有一種‘唱’德斌唱得好澎湃嘅感覺，我會周圍去‘唱’佢。”