雷頌德難忘黃霑提攜

    “我好辛苦，香港工作好大壓力。”樂壇才子雷頌德七年前退休，現在，返港擔任陳慧琳演唱會音樂總監——我只能接受沒有壓力的工作，Kelly和Big Four邀請寫歌，需要給予充足時間，要畀得起錢……。

    每個娛人都有自己價值，亦有兄弟價、親人價、家人價、友情價。雷頌德這位才子，又是財子。英國返回香港開工，要收“舒服價”：“唔係市儈，皆因稅率高，做咩都抽一大截，做咗好似無謂咁；我不知現在香港做一首歌甚麼價錢，總之，我Set一個覺得舒服價……。”眾所周知，最不喜歡別人干擾他的創作，看誰干擾而已。

    “天王”黎明御用創作人，當年興起電子音樂舞曲，雷頌德捷足送上《北京站》。黎明聽後直言：唔鍾意，你呢的唔係屬於亞洲跳舞音樂……。雷乃怒也，與天王大吵，“黎明話：我下個星期去韓國做嘢，你跟我去，帶你酺七日。原來，黎明好熟韓國，帶我去Feel吓咩歌啲人會出去跳舞。呢七日我摸到一啲嘢……。亞洲人情緒發洩，跟外國人好唔同。”

    退休復出，收“舒服價”，退休前，合作講究舒服人，Mark遇到天王，還遇到君子。“我跟黃霑做配樂的。”雷頌德念念不忘香港這個娛樂中心：“在霑叔身上，學到作為藝人或創作人，對人要公平，好重要——霑叔對我好公平！我當時是小朋友，他畀機會我做電影配樂。我負責寫melody，酬金一人一半，出埋我個名，永遠都係：‘黃霑、雷頌德’，見人都讚我：‘呢個後生仔好勁，係未來嘅顧嘉輝’。畀足面，畀足錢，好君子。”Mark續指，霑叔只讚不彈，唔鍾意唔出聲，讚！一定真心，扶人，唔踩人……遊子難忘，香港故土，好土！

    高梁