晚清奇才玩鬼佬

    “一夫一妻多妾制”，即一個茶壺幾隻杯。民國年間，大詩人徐志摩新婚，乃妻陸小曼即行警告：“咪以此為藉口搞搞震。汝非茶壺，乃係牙刷。茶壺可公用，牙刷係私貨！”

    然提此多妾制者，乃清末民初保皇老古董辜鴻銘。雖已屆民初，執教北京大學，依然長辮垂腰，一派清臣模樣。毋以為係萌塞老學究、只識之乎者也，於外域言，實乃嚇死鬼佬之大學問家。在北京大學教乜？英文！

    辜公原籍福建，馬來亞出生，十歲負笈歐洲諸國十四載，通曉英、德、法、拉丁、希臘諸文，學位多籮籮。桀驁不羈，恃才傲物，但撚化鬼佬唔手軟。倫敦街頭佢倒轉報紙，英人笑此笨華人唔識扮識。辜公笑曰：“英文簡單矣，正住睇唔算我本事！”隨後朗朗倫敦腔，鬼佬當堂口窒。佢奉供品叩拜祭祖，鬼婆見之笑曰：你祖先咁就食到？辜公反唇相譏：墓前放紥花，唔通你祖宗就聞到香？

    今日乃辜公一百六十八齡冥壽。

    西門公子