阮兒首演啞女挑戰速記手語

    阮兒繼《掌上明珠》及《刑警》後，於《執法者們》中第三度與宣萱合作。談到出名好人的宣萱，阮兒自然亦讚嘆不已：“我一聽到我演宣萱嘅閨蜜，我已經好開心，因為佢真係一個好好同好隨和嘅前輩，佢係會任由你發揮之餘、亦會畀好嘅意見，會令我好舒服同唔會驚。同埋因為佢真係冇架子，所以同佢合作係超級開心。”

    阮兒飾演的小娟由於是啞女關係，故所有場口都只能靠手語及面部表情演出，但阮兒兩方面都掌握得很好，不但令人感受到角色的善良及忠誠，亦成功提升了場口的緊張感。阮兒坦言首次演啞女是“超大挑戰”，由收到通知到正式埋位，只有約兩星期左右，她除了上了三堂劇組安排的手語課，還積極在家拍片日練夜練，務求將所有手語記到“滾瓜爛熟”。她說：“都有啲難度，所以有啲位都幾驚做錯。”為了令角色更有說服力，阮兒在造型上也花了不少心思：“我係特登剪呢個髮型，主要想個頭出嚟感覺係簡單同埋要薯薯哋，因為我覺得呢個角色唔會係好時尚嘅人，所以我都冇乜化妝。”