杭州站個唱開幕

    陳慧嫻搵容祖兒撐場

    陳慧嫻《The Fabulous 40演唱會》杭州站，請來容祖兒擔任嘉賓，慧嫻稱讚容祖兒有一姐氣質，祖兒則讚慧嫻“靚住紅”，兩位天后不停互笠高帽。

    慧嫻和祖兒合唱《跳舞街》後，慧嫻即爆料：“我第一次‘見’祖兒係喺尖沙咀街頭嘅唱片海報，一睇我就覺得……”未待慧嫻說完，祖兒插嘴：“好醜樣啊！”慧嫻否認說不是：“個女仔一定紅！第二次見佢就係喺一個頒獎典禮嘅慶功宴，佢拎獎，而且佢爆紅！”

    祖兒好奇問到：“點解你睇到張海報會覺得我有機會呢？”慧嫻坦言是氣質，祖兒立即追問：“係點樣㗎？”慧嫻神回：“唔需要太靚，但係需要有一姐嘅氣質，我一睇你就有呢個氣質。”不過祖兒“不太認同”：“對我嚟講你就係好靚，你當時都係好紅。細個時候見到你，你嘅形象、衣着，都係當時廣東樂壇嘅指標，你嘅音樂就係全方位嘅一個聲色藝俱全嘅歌手。今日可以企喺你舞台上面做你嘅嘉賓，我非常榮幸，多謝你。”

    慧嫻補充：“我係話你愈大愈靚，作為一個歌手，最重要係氣質。靚女大把，但有氣質嘅女仔唔多，你同我都有，哈哈！對我嚟講，容祖兒永遠都係英皇嘅一姐！”聽到慧嫻這樣說，祖兒即刻嚇到耍手擰頭：“你嚟咗我唔係呀，嚇死我啦！”笑翻全場。

    慧嫻直言十分喜歡祖兒，二人早於二○一四年慧嫻三十周年演唱會已合作過，祖兒指當年受到邀請時立即“嘍飯應”，亦十分感謝一直以來慧嫻對她照顧有加，每次的演出，慧嫻都會發訊息給她鼓勵，“佢會話，‘你做得好好。’對於一個歌手嚟講，能夠收到一個尊敬前輩嘅認可，對我嚟講係非常有意義。”

    由今次站杭州站開始，演唱會加入洪助昇(Aiden)及梁壁荧演出小短劇，為巡演增添新意。之前兩站分別有關智斌和鍾欣潼任嘉賓撐場，網民大讚：“嘉賓陣容睇得出慧嫻圈中人緣勁好！”