雲浩影宣佈成立歌迷會

    雲浩影(Cloud)將於八月二日和三日，假旺角麥花臣舉行首個個人演唱會“Finding Cloud 雲浩影演唱會2025”反應熱烈，日前加場門票開售宣佈售罄。日前她在IG公佈成立官方歌迷會，令粉絲非常興奮。之後留言板出現大師兄鄭伊健留言打氣，Cloud驚喜到O嘴。她突然看着屏幕碌大雙眼，說：“呀，等陣先！”原來她看見留言板上出現“Ekin_Cheng_offical”留言“加油”，這是大師兄鄭伊健的IG賬號，甚少現身社交平台的伊健突然上水，更留言打氣，實在難得。

    Cloud受寵若驚擘大個口，並說：“吓？Cap低先！伊健哥哥講加油呀，大家睇唔睇到呀？咁我要唱返首《數碼暴龍》（《自動勝利Let’s Fight》主題曲）先得喎！”有人留言問她會否邀請伊健做演唱會嘉賓，Cloud說：“我都好想請到佢，咁我就可以喺台上面同佢一齊踩Roller！”伊健寵師妹不是第一次，二二年剛加入寰亞音樂的Cloud，與黃淑蔓在表演中遇上伊健，她們竟大膽自薦任對方演唱會嘉賓。伊健爽快答應，安排她們成為其紅館“HERE and NOW演唱會”固定表演嘉賓。