羅力威雨僑談湊貓經

    歌手羅力威與太太雨僑早前到新城廣播，接受羅沛琪和麥卓華主持的《寵愛您》錄音訪問，這是羅力威與雨僑首次以夫妻檔身分接受電台訪問。

    羅力威和雨僑婚後誕下現年五歲女兒Harper和兩歲兒子Harvey，家中又飼養了一隻十五歲的異國短毛貓“燒燒”。羅力威婚後才跟“燒燒”住在同一屋簷下，所以花了一小段時間才跟牠混熟，經過跟貓貓多年相處，羅力威已是名副其實的貓奴。自從雨僑懷有大女兒，由於不方便蹲下及接觸貓沙和便便，羅力威便擔起照顧貓兒的責任，“呢隻貓的確好得意，好嗲又溫純，佢唔似一般貓咁敏捷，所有嘢都好慢，同我生活節奏好似。”

    至於患有高敏感特質的女兒，雨僑透露囡囡特別在意衛生。她表示：“因為佢出世時隻貓已經喺度，所以佢都接受，不過見到地下有貓沙，佢就唔會踩落去，或者見到貓貓眼水印到床單，佢就會避開，整體上佢都係好有愛心嘅小朋友。”幸而子女們不會跟貓咪爭寵，更會拿來心愛玩具與貓咪一起玩，就連弟弟也展現出對貓貓的愛心。