眾歌手打造《甚麼是喜劇》音樂會

    陳柏宇、馮允謙、黃妍、何啟華及梁業等歌手，將聯乘資深音樂人陳浩然(Edward Chan)率領普羅管弦樂團，打造出《甚麼是喜劇》音樂會，將於七月十九至二十日假香港文化中心大劇院舉行。音樂會將融合喜劇、舞蹈與獨特舞台裝置等元素，希望博得入場觀眾一笑。

    陳柏宇和黃妍談到最喜愛的喜劇，都不約而同指是周星馳的經典作品。陳柏宇說：“我哋都係睇周星馳大，我最鍾意係《賭俠》。而家諗返轉頭，唔係話因為邊句對白或邊個笑位特別好，而係因為呢啲喜劇代表一個年代。今次音樂會，我會唱啲未唱過嘅歌。”黃妍最愛《家有囍事1992》的“無定向喪心病狂間歇性全身機能失調症”，她笑着說：“嗰幕真係好好笑，哥哥（張國榮）好靚仔，啲對白又好好笑，起碼睇咗十次，新年都會睇。”在外國長大的馮允謙最愛《命運自選台》，他透露將會在音樂會上為觀眾呈現不一樣的自己：“係突破性嘅演出，我覺得今次合作的歌手都好搞笑，希望唔會唱唱吓笑到收唔到聲。”