李爾晨得償所願演反派

    無線熱播劇集《執法者們》中，以“大隻仔”見稱的李爾晨飾演瘋狂又囂張的黑道中人區明偉，與以往演開的乖乖仔形象有極大出入。

    除了動作粗魯兼粗聲粗氣夠晒浮誇，就連衣着都相當出位，有透視網狀背心、低胸背心、絲絨西裝褸之餘，還有鐵鏈頸鏈。李爾晨雖然出場集數不多，但已有兩個經典場口，分別是與群女“開派對”時被摸屁股，以及講數時展露超強“胸肌線”。

    李爾晨接受官方訪問時，笑言已恨演壞人很久了：“其實我想做反派好耐，因為我細個好鍾意張耀揚嘅烏鴉哥，所以我今次都參考咗佢呢個角色、再加少少自己做法落去。好開心之前都有內地網民留意到我參考咗烏鴉哥，好似話我自首時會舉手，其實就係烏鴉哥入冊會‘喂’一樣。其實當時接到呢個角色時，我真係好開心，因為入行時好多人話我做唔到反派，當時我其實好唔忿氣，所以我一直都好想挑戰亦正亦邪嘅角色，好想證明到自己係做到。”

    談到“群女開派對”場口，李爾晨笑言就連現場認識的拍攝對手，埋位前都十分擔心。李爾晨：“佢哋有講笑話好想睇吓我點演呢一場，因為我完全唔似會做到呢場戲嘅人。之後我都豁出去演，好彩出嚟效果都OK。”