郭富城即將添“丁”

    兩女之父郭富城宣佈第三胎來臨，一切都是老天爺安排。關於孩子性別並無透露……，據雜誌報道，城城將打破四大天王的外父宿命，今胎是仔！

    生仔消息，麻將檯的鋼腳透露的——都市雀圈傳説——陀女贏錢，陀仔輸錢。

    “想當年，城城生女前，手風勁順，幾乎逢賭必贏，但最近頻頻輸錢，好多時，城城仲要一家輸三家……。”雀友又説，“城城半公開再做老豆之後，有日，輸咗麻將之後，好開心，報喜追到仔，笑騎騎咁派錢。”

    方媛再度懷孕，係兩公婆刻意計劃。麻雀腳爆料，城城極度恨生仔。六年前，老婆懷第二胎徵兆，一度以為生仔，在朋友圈中揚言，佢將所有“玩具”，如：辣跑、名錶、音響等都後繼有人。可惜，最後撻Q。城城恨生仔。如願得償可能性甚高。方媛網帖發近照，眼利網民發現她的鼻子忽然變大而圓潤，猜測她已懷孕，估計是男B。

    十級寵愛孕妻，城城由“愛妻號”進化為“寵妻號”。得知即將添丁，對方媛寵愛“幾何級數上升”，附屬卡升呢無上限；更準備數以億計的奬賞，聞者開心。

    五十九歲郭富城，與比他年少二十二年的方媛，於二〇一七年結婚，育兩女，不時在社交平台大曬溫馨全家福。早於二〇〇一年，以二千六百九十萬購入跑馬地嘉園頂樓全層連天台的複式豪宅，估計現在升値至半億。期間斥資五百萬將單位打通及裝修，娛樂設施一應俱全，包括私人影院、卡拉OK房，天台私家泳池。

    經理人小美回應：城城係有喜事。不過最好由他親自與大家分享。

    高  梁