歌迷會成立十八周年

    鄧麗欣與“肥番”聚會慶祝

    鄧麗欣(Stephy)歌迷會“STEPHY FANTASIA”成立十八周年，日前Stephy相約二百六十多位肥番（歌迷暱稱）一同舉行聚會慶祝。一如既往，超級寵粉的Stephy跟歌迷玩遊戲、近距離接觸，以及逐一拍照留念。九月二十日舉行的鄧麗欣演唱會澳門站，由於優先訂票火速秒殺，宣佈加開九月廿一日一場。

    慶祝聚會上，Stephy大受歌迷的熱情打動，在大合照期間感動得偷偷落淚，Stephy說：“真係好感觸歌迷陪住我一齊成長，有啲係喺度認識、拍拖，仲生埋小朋友，成件事係好得意。大家一齊成長，就好似大家一齊生活咁，所以今次係特別感觸同開心嘅一次。今年應該係咁多年最多人嘅一年，喺大合照時嗰一刻突然好感觸。好多人話我寵粉，其實我都唔係為咗寵幸佢哋而做啲乜嘢，大家咁支持我，我會有動力做得更好，見到佢哋開心我就會好開心。”

    歌迷更不時大呼期待Stephy九月二十日於澳門威尼斯人綜藝館舉行的演唱會，歌迷會更特意設計扭蛋遊戲在聚會上為演唱會應援籌款，Stephy幸運抽中大獎，她更將行李帶獎品掛上身，扮選美冠軍繞場一周。

    首次到澳門開騷，Stephy期待萬分，還透露將會有驚喜彩蛋，她說：“澳門睇騷就睇得多，今次去搞演唱會，係有少少不知所措。因為對個場地有啲陌生，好彩就係喺香港run咗一次，所以冇咁緊張，但就未想像到會係點，不過咁樣係幾好玩嘅。盡可能都會送驚喜畀大家，都會考慮加入上次冇唱嘅歌曲，希望帶畀大家新鮮感。仲有冇新嘅元素？大家入場就會知道。”提到對澳門最難忘的經歷？Stephy想了想說：“最難忘係我人生第一次跳Bungee jump（笨豬跳）就係喺澳門，當時係全世界最高嘅Bungee jump，跳落去嗰一下未知，到而家我仲歷歷在目，未跳過嘅人真係唔知咩叫腳軟。同埋澳門嘅美食都好正，葡撻、椰汁雞麵、海鮮……開騷前唔食得，開騷後留喺澳門玩，就會食返夠本。”