黃心穎出新歌緊張似懷孕

    相隔一年半，黃心穎再次推出新歌，早前接受Hoy TV主播俞詠文(Angela)專訪時坦然心很累。黃心穎表示每次推出新歌，心情都會很緊張：“尤其係推出前嘅兩個禮拜，我每朝早起身都會有一種肚痛、作嘔作悶嘅感覺，真係好似有咗咁，但係到咗前幾日又好返。但係一諗到準備要宣傳，又覺得好攰。”

    黃心穎透露創作這首歌的時候，其實自己處於心很累的狀態：“當時係冇乜自信，有啲迷失嘅感覺，但而家好好多喇，因為識得點樣去面對，同埋調節情緒，唔可以畀佢影響到自己。”講到今次新歌首度“棄用”丈夫泥鯭做監製，她笑言是故意的：“因為我想搵一啲新人合作，有新嘅衝擊，咁當然佢都有偷偷指導我嘅。”

    對於黃心穎來說近年最美好的事，就是可以睡到自然醒，身邊的人和寵物身體都健康。提到生B的問題，心穎就很隨緣：“如果呢一刻有，我會覺得好開心，如果冇我又唔會覺得好缺失。以前我比較想做媽咪，但係到咗我而家嘅年齡，我連照顧自己都覺得好攰，如果再照顧多一個小朋友，我唔知我可唔可以應付到。”