陳慧琳相隔八年推新碟

    《陳慧琳Season 2萬人結界演唱會》十場個唱，將於七月十一日假紅磡香港體育館揭開序幕。是次演唱會以“萬人結界”為主題，Kelly將透過音樂、燈光及舞台效果，打造一個專屬的音樂能量場，與歌迷共同重燃三十年來的經典時刻。

    Kelly昨日現身彩排場地，並分享說：“今次彩排係最後衝刺，今日嚟呢個一比一舞台模擬練習，因為紅館舞台好大兼舞台特別構造，排舞室冇咁大場地畀我哋真實咁走位，再加上演唱會有好大嘅道具、好多機關，配合舞蹈同Dancer，今日所有人都要嚟彩排，台前幕後工作人員全部到齊，租用場地做三天大型彩排，希望趕及排練進度。”

    適逢Kelly入行三十周年，唱片公司藉此機會推出新碟，Kelly表示已有八年冇出過碟，“今次將呢段時間發行過嘅廣東歌及國語歌都收錄喺裏面，當中仲有一首未推出過嘅新歌，隻碟七月十一日起在紅館優先開賣，七月十五日正式公開發售。”