曾傲棐黃凱逸為考生打氣

    DSE放榜在即，港鐵藝術舞台特意舉行快閃演出，邀請歌手曾傲棐(Arvin)和黃凱逸(Zelos)演出，為一眾DSE考生打打氣。

    曾傲棐表示平時以港鐵出入，只可以“收收埋埋”哼歌，今次可以在站內表演實屬難得。提到這次活動為DSE考生打氣，Arvin乘機“Tag”歌，呼籲考生不要回望過去。他說：“我哋學識啲教訓就記低佢，下次唔好再犯。不過人係要向前望，每一日都會變得更加好，即使有啲野我哋唔可以控制，但每一次經歷都會令人成長，希望大家好似歌詞咁，即使被潑冷水都要捱落去、飲咗佢就得！”

    而黃凱逸就自爆為“鐵路迷”，早前MV更走訪各大港鐵車站打卡。他說：“今次喺地鐵嘅舞台演出非常之期待，冇諗過因為宣傳新歌《心的車站》去勻晒所有港鐵站，吸引大會注意，會帶到我嚟呢個舞台。”他又續道：“今次要同DSE考生打氣，我都明白對考生嚟講係一件大事，叫佢地唔好緊張，即係等於叫佢初戀唔使大投入咁解。不過睇返轉頭，DSE其實係人生一小步，前面充滿無限可能。”