黃淑蔓出道十載首辦歌迷聚會

    剛踏入二十四歲的“寰亞孻女”黃淑蔓(Feanna)，日前出席粉絲為她籌辦的派對。她表示這是出道十周年以來，第一個歌迷聚會兼生日會，她非常開心和感動。

    聚會上，她演唱新歌《未至於》和Whitney Houston的《I Have Nothing》回謝大家。Feanna解釋特別選唱《I Have Nothing》的原因：“我平時喺屋企練歌會唱呢首歌，每次唱都會諗起大家，因為歌詞講中咗我想同大家講嘅說話，冇咗你哋我真係乜都冇。”除了唱歌，Feanna與大家玩估歌名遊戲，更幾乎講出每位舉手搶答的粉絲名字。她表示雖然平時記性麻麻，但因為不少粉絲追隨了很多年，都是熟悉的面孔，加上去年聖誕節寫聖誕卡畀粉絲，記住了每一個名字。

    當日Feanna在服裝上亦花了小心思，她笑笑說：“我着咗《我的受保護動物》MV拍攝嘅服裝，從頭都腳都一樣，唯一唔同係我瘦咗，所以條褲有啲鬆。”除了表演唱歌和玩遊戲，她還帶了多份私人珍藏作為抽獎禮物，與眾同樂。