張敬軒自誇新歌少啲油膩

    張敬軒前晚於護膚品牌活動上透露，他剛在東京為新歌完成錄音，主要是想跟更多不同監製合作。原本他已有七、八首歌完成錄音，但現在會全部重新再錄。但已錄好的歌豈非都浪費了？軒仔說：“可以有不同版本，而且能夠搵得番，今日來就是賺錢為重新錄歌之用。”

    軒仔相隔四年再出大碟，他坦言心情興奮，而且再不出碟怕會被粉絲罵：“今次在唱法上會有改變，緊緻啲、青春啲，少啲油膩感，所以都有搵老師學唱歌，希望有新鮮感。”軒仔唱功了得仍要學唱歌？他笑說：“職業再培訓嘛，潮流變緊，過咗上一章節應有變化，要俾自己有新鮮感，開一個新章節。”

    好友程浚彥(Tyson Yoshi)將於歐洲舉行婚禮，軒仔透露會參加其婚禮：“我有想過送金豬，但過大禮時應該已有，而且他倆真愛已無敵，只想到送實用的，就送他生BB秘方，媽媽有很多‘一擊即中’嘅秘方，係我張家家傳。”軒仔表示知道婚禮場地好靚，故參加完婚禮他應會多留數天，或會去米蘭看家私。Tyson結婚前會否有單身派對？他笑指對方的演唱會就是單身派對了。