兩大男神世紀同框

    畢彼特新片首映獲靚佬湯支持

    被譽為史上最真實的賽車電影《F1電影》(F1 The Movie)日前在倫敦舉行歐洲首映禮，六十二歲的型男巨星“畢佬”畢彼特(Brad Pitt)當日非常風騷，猶如孔雀開屏。首映禮吸引到“靚佬湯”湯告魯斯(Tom Cruise)到場，高調支持他的好兄弟畢佬，粉絲見到兩大男神同框都好興奮。

    畢佬當日罕有地選擇綠色雙排鈕扣西裝套裝，猶如孔雀開屏，拖實三十二歲的珠寶設計師Ines de Ramon親密走紅氈，成功炫耀父女戀。畢佬與靚佬湯見面時顯得十分開心，互相擁抱致意。畢佬帶住同樣懂車的靚佬湯參觀拍攝用的靚車，兩兄弟交頭接耳，暢談甚歡。同樣是世界級男神的靚佬湯，當天非常識做，選擇大象灰色西裝到場，展示他的巨星風采之餘，亦唔搶鋒頭。影壇巨星阿諾舒華辛力加(Arnold Schwarzenegger)的大仔柏德烈(Patrick Schwarzenegger)、“黑珍珠”娜奧美金寶(Naomi Campbell)等人也支持活動，眾星雲集。

    該片由導演約瑟高辛斯基(Joseph Kosinski)執導，延續Netflix紀錄片《Formula 1：極速求生》、電影《極速傳奇：福特決戰法拉利》和《法拉利》等熱潮，劇情講述上世紀九十年代被譽為賽車最具潛力新星的Sonny Hayes遭遇嚴重意外，再到多年後他作為四處漂泊的受僱車手，繼而重回賽車軌道的故事。