【專訪】三盞燈民生區較興旺路段，近日先後有多間商舖執笠結業，有附近商舖老闆稱，生意一日比一日差，各行各業都難做，希望政府再推消費劵，帶動一下。

　面對經濟不景氣，打工仔都十分擔心隨時失業，而正在失業或靠打散工兼職過活的亦大有人在。至於開舖頭做老闆的亦不見得好過。

　在三盞燈區近竹林寺的連勝馬路至高士德一帶的商舖，向來都是區內比較興旺地點，相信與近紅街市、義字街、市民買餸買日常生活用品等有關。不過，有該路段的商舖老闆反映，好擔心該路段會失守。他稱，自己在該處開舖而是幾年，眼見渡船街的舖頭在過去幾年執吓一間，執吓又一間，真係好心酸。以為自己的舖頭地段守得住，但近日所見，亦已有幾間舖頭執笠結業，如果「十舖九吉，真係唔想關門大吉都唔得啦」。他又稱，近年，特別是疫情影響下，市民的消費模式已一百八十度轉變，「咩都話網購，我哋呢啲老字號茶餐廳、都係靠街坊熟客仔支持，但生意都大不如前，依家更加難做」。

　亦有另一茶餐廳老闆稱，得知隔離有幾間舖頭已結業，當然擔心，因為做生意最重要是人流，無舖頭自然影響人流。該老闆又稱，近一年生意真係一日比一日差，星期六、日更差，早前政府推出消費大獎賞活動，星期六、日生意明顯好返二、三成，但活動結束後，星期六、日即時冷清，即使有客，消費額都是明顯減少，單點的客人少了、多數點套餐，反映大家都是慳得就慳。

　同樣是該路段做茶餐廳以麵食為主的老闆表示，「依家啲咁嘅環景，做生意嘅都好難做，啲人大多數網購，都唔多出街架！唔多出街自然少咗人食嘢，即使飲杯咖啡，食個麵、食個包都少咗啦」。該老闆更稱，自己舖頭這兩年都不敢加價，但火計人工，燈油火蠟，食材等一開舖都是支出，其中食材來貨價有增無減，如食米、食油、椰汁、蠔油等都加價，經營壓力越來越大，維持到平衡已好滿足，「唔敢奢望」賺錢。

　面對當前的生活壓力，無論是小商舖老闆或打工仔，他們都希望政府可以再推消費卡，、消費券之類補貼，可以減輕下生活壓力。◇