《大師兄》記者會

    中聲隊輸遊戲罰飲特飲

    洪天明與太太周家蔚、馮盈盈、鄭衍峰、陳懿德、黃婧靈及鄺潔楹等人，前日出席無線綜藝節目《大師兄Welcome Summer大激戰》記者會。會上除播出節目精彩片段外，眾人又大玩食西瓜遊戲，輸了的中年好聲音隊，齊齊被罰飲特製飲料，飲到面容扭曲。

    曾傳緋聞的馮盈盈與鄭衍峰一起受訪，說到二人之前被要求合照也表現尷尬，但今日卻表現親暱，問到二人是否“翻撻”？盈盈即否認，指二人一直是好朋友。鄭衍峰亦跟盈盈口徑一致，表示二人一直是好朋友，笑指是大家“諗多咗”。

    鄺潔楹(Judy)最近被拍到在九龍城踱來踱去，疑似物色舖位開分店，Judy就否認是睇舖位，只是去食海南雞飯。她坦言現在的大環境差，其曲奇餅店去年已暫停，現只剩下黃竹坑的服裝店。問到《大師兄Welcome Summer大激戰》中可要騷身材？她笑說：“唔到我，可能冇特別保養，身材都縮咗啲，如果保養好啲至騷。（男朋友有冇意見？）咁又冇，可能佢唔覺。”提到工作，Judy表示正等待拍攝新劇《玫瑰戰爭》。

    洪天明與太太周家蔚及大仔洪大仁，一家三口現身記者會。久未亮相無線遊戲節目的家蔚，笑言在節目中會泳裝上陣，不過就包到上頸。問到是否老公唔批准？天明即否認道：“我點會唔批，係細仔唔批，佢係管家，連着短裙都唔得，遺傳咗老母執着同脾氣。”家蔚即笑駡老公同一番說話講咁多次好悶。

    現時洪天明主力在內地經營與洪家班班底的品牌，賣膏藥貼及茅台酒，遲些可能會做埋食品。他謂現時香港杭州兩邊走，有意安排兩個兒子到杭州讀書，不過爺爺就唔想，怕很難見到兩個孫仔。家蔚笑言就要做“太空人”，因為自己在香港有生意，近日都有幫老公有份演出的劇集客串。