容祖兒生日趴獲告白

    歌后容祖兒，四十五歲生日，收到“情人”祝賀，不是一個，成隊情人咁多。有位外地男粉絲深情表白：“我晚晚發夢都見到你同床（鄉音口誤），係同台！今日終於夢想成真，我哋可能係前世情人嚟口架！”——“我都係你前世情人”，千多歌迷此呼彼應。容祖兒笑到見牙唔見眼，突然，情人可以排山倒海，前世或今生……。

    最喜歡見到一班小朋友。生日會播MV，“我啲歌迷都長大啦，見住佢哋細個時着校服追星。現在帶埋子女來追……我身邊朋友、同學，每次聚會都帶來許多小朋友，我細佬有兩件啦。我好希望新一代小朋友，無論這個世界有開心，有唔開心，有好多挑戰，小朋友都應該成為一粒糖。可以茁壯成為我哋未來棟樑，甜住成長。”祖兒自爆，MV表演的小朋友，都是朋友的子女。“佢哋有演技，十年後睇返，一定好有趣。”

    情人！小朋友！少女情懷，點只是詩；事業仍放第一位。生日會催谷新歌：《但你要甜》，道出人生雖苦，亦要甜——“大病後，誰沒有，迫出些硬朗，生於苦海，如何活，我要送你這藥方。要變成柔軟的糖，去調和各種苦況，要變成甜美的糖，去平衡生之不安。旁人或者不會厚待你……，你亦記得分享，當你還有顆糖……。”

    容祖兒四十五歲生辰快樂，千多粉絲聚會慶祝，沒有吹蠟燭許願儀式，憑歌寄意……願成為一顆糖，去調和各種苦況；還不止，要成為燒鵝，與各位分享，唔講得笑！

    祖兒預告：“今年中秋節，會推出自家月餅，諗咗好多年啦，燒鵝月餅 ，扣除開支後，捐贈慈善機構……。”祖兒還有實牙實齒生日願望，在啟德開生日會。

    高梁