戲院話當年

    月未上柳梢頭，中環特別熱鬧，周街下班白領麗人，揚手道別，“拜拜，我去碧麗宮！”你就好啦，唔好去錯麗宮呀。寫字樓有西裝友垂頭喪氣，同事耳語，“打錯文件，被老細省到立立靚，而今，碧麗宮變咗麗宮……”

    香港戲院文化，融匯民間。碧麗宮、麗宮，一間在銅鑼灣繁盛商業中心，一間在工廠區，屋邨圍繞的平民區，兩間戲院都最大。一間頭輪戲院，專映世界名片，收三十多元；一間專映二輪片，收十一元，各店各客，各有享受。

    移民港人，倦歸故里多有一個節目，到新蒲崗舊地重遊。此地曾是時代象徵……塑膠花廠事件，遍地催淚煙，已找不到絲毫歷史痕迹了。難忘“麗宮戲院”，門前古樹依舊，原址變了越秀地產的巍峨大廈了，頂樓還開了兩間酒樓……。

    工業區戲院，面積特大，裝修樸實。開幕於一九六六年八月二十五日，際此“風雷激盪”歲月，開幕嘉賓，一時之盛，司儀胡楓。剪綵包括：兩局議員簡悅強、任劍輝、白雪仙、蕭芳芳、陳寶珠、李清、羅艷卿等。開幕電影：陳寶珠、蕭芳芳的《彩色青春》，盛況空前……。

    麗宮戲院的觀眾對象很鮮明，許多窮苦書院仔，錯過了世界頭輪大片，等待到麗宮看二輪片。因此，友儕搞笑，“我都看過《風月俏佳人》、《侏羅紀公園》。”捉狹者，喺碧麗宮睇，還是麗宮？漸漸社交話題，都避談“麗宮”。日日要放映世界二輪片外，本地片、日本源源供應的有味電影……。同學或白領去新蒲崗，或遇赫然一問：去麗宮呀？唔係，工廠區執平貨呀。

    高梁