BIG FOUR飯聚話當年

    相隔十二年再度合體的BIG FOUR四子，將於八月舉行三場紅館演唱會。沒有新秀、便沒有BIG FOUR，無論事業抑或四子的友誼，一切都是從新秀開始。早前四子邀請同樣來自新秀的蘇志威以及車婉婉，拍攝《BIG FOUR請食ReU飯》，並指定要到銅鑼灣一間潮州菜館飯聚話當年。蘇永康解釋說：“點解要嚟呢間潮州菜館，因為當年新秀總決賽完咗，我哋喺度慶功，所以呢度畀我哋好深印象，係好值得回憶嘅地方。”

    提到為何參加新秀，許志安坦白說：“其實我參加比賽係想見梅艷芳，但去面試時只係見到黎小田。”蘇志威還道出當年選完新秀，有一段時間是幫大師兄張衞健排舞兼伴舞，到後來才獲梅姐賞識，成為她的徒弟，當日草蜢要同大師兄各奔前程，四子更在排舞室抱頭痛哭。

    六人之中，張衞健是第三屆新秀冠軍，是眾人的大師兄，蘇永康指當年為了買衫準備參加總決賽，在利舞台開完會，約其他參賽者一起到佐敦買衫，他說：“呢個師兄（張衞健）全程跟到實，當時我覺得呢個師兄好好，好到不得了，照顧後輩，但原來只係照顧一個後輩啫！詳情係點，我哋會喺節目入面，透露畀大家聽。”