羅啟豪獲封“完美靚聲”

    羅啟豪日前出席“2025認證頒授典禮暨產品安全嘉年華”獲委任為“2025認證推廣大使”壓軸登場，為現場觀眾獻唱兩首歌曲，當中包括首次公開現場演唱的劇集主題曲《有天做證》。

    《有天做證》為古裝懸疑劇《清明上河圖密碼》的港版獨家主題曲，由音樂人劉易昇及填詞人楊熙特別為啟豪度身打造。啟豪表示：“劉易昇老師畀首歌我嘅時候，即刻喺屋企練習，作為I人自己慣咗一個人匿喺屋企坐喺度對住電腦唱歌，所以都係坐喺度練，點知去到錄音室企喺度錄，反而初初唱唔到，呢段時間為咗預備今次首次現場演繹，即刻喺屋企要記得企喺度練。有網民幫我計過呢首歌有五百四十七個字，連埋要記歌詞，今日畀自己八十五分，算過到關，好開心。”

    前晚電視播映嘅特備音樂節目“中年好聲音321經典大戰”，啟豪與譚輝智、李金凱合唱《一首歌一個故事》，網上已流出預告片段。不但獲評審一致好評，網民亦反應非常熱烈，三人獲封為“完美靚聲”，啟豪亦被讚極具台型，跟兩位師弟火花四濺。