出席記招分享選美經歷

    倪樂琳鞋踭卡坑渠印象深

    應屆港姐冠軍倪樂琳、亞軍梁嘉莹及友誼小姐王汛文，聯同前港姐馮盈盈、劉穎鏇、陳曉華、郭柏妍、莊子璇、陳楨怡、古佩玲、王菲及邵初等，前日出席《2025香港小姐競選》“全球招募最後召集”記者會，呼籲全球合資格的靚女報名參選。

    卸任在即的倪樂琳，慨嘆過去一年時間過得很快，回想去年參選印象最深是首次面試，落的士時高踭鞋鞋踭被坑渠卡住，為免被拍到驚慌的樣子，表面上笑住，但就用力扯返隻鞋出來，都被記者影到。至於泳衣環節，她反而沒有想太多，因為當時時間好緊湊，已經豁出去。她又說：“我係截止最後一日至‘擒擒青’去交報名表，攞冠軍都係命運推到我嚟呢度。”莊子璇表示去年也有叫同學參選，但她們都怕要着比基尼面試。她自言當年選美面試時是肥妹仔一名，擔心肚腩仔會凸出來及大腿粗。

    馮盈盈表示有不少Auntie的女兒都有興趣選美，大家最擔心是參選會否很辛苦，她就逐一解答疑難：“有啲時間係冇得瞓，大家見到我哋出嚟都身體健康，平安無事就證明係有挑戰性，但唔係做唔到嘅。”問到會否做提名人？她坦言唔方便做：“真係有人問過，但坦白講唔方便，因為擔心有利益衝突，要避嫌，但可以做顧問。”陳曉華則表示當年是由閨密提名，二人又齊聲否認道：“做提名人是沒有獎金的。”

    劉穎鏇表示當年專程由洛杉磯飛到溫哥華見樂小姐面試，當時沒有化妝，夾硬穿上高踭鞋，廣東話又一般，所以沒有想過能入圍。郭柏妍表示參選港姐不要太注重結果，學習才是最寶貴的東西，她笑說：“我當年參選時半工讀，因為自己好宅，成人匿喺屋企，媽咪以為我嘅世界冇朋友，怕我唔識同人溝通，所以好支持我去選美，入行後覺得自己都有進步，冇以前咁宅，媽咪都好開心。”