林德信拍廣告賺奶粉錢

    新手爸爸林德信近來搞作多多，除了忙音樂創作外，亦為服裝品牌拍攝廣告，賺奶粉錢之餘，亦展現他的生活態度，不同身份的轉變都可以自在應對，活出最獨特的自己。

    廣告中，林德信穿上極具彈性的恤衫做瑜伽，又陶醉彈結他，認真搞作多多：“工作上我都好多崗位，有時係音樂人、有時係瑜伽老師、去到片場我係演員、返到屋企係人哋老公同爸爸。同一日時間內身份不停地轉換，所以衣着都係百搭最好，我通常都係着白色衫，比較容易搭襯同簡約。”

    笑言已習慣湊女的林德信表示，有彈性嘅衫最為方便：“以前揀衫最緊要係好睇，實用衫唔多，依家揀衫就要多埋彈性，因為有時抱囡囡時佢會扭嚟扭去，有彈性嘅衫就方便照顧佢。同佢玩飛高高、畀佢嗲真係好有滿足感，即使工作幾忙碌，只要湊住佢咩煩惱都會唔記得。”

    林德信仲話唔介意“父女裝”上陣去街，將來如有適合的機會也可以嘗試“父女檔”拍廣告，留下一啲美好嘅回憶。