陳山聰食廿八級辣拉麵

    陳山聰、阮浩棕聯同日本美食達人陳方藤主持的無線全新旅遊飲食節目《人生美食地圖——東京篇》，前日舉行記者會。三位主持在會上分享食玩東京的有趣和難忘體驗，更大玩聽聲估美食遊戲，分享日本美食的趣味歷史。

    首次到日本的阮浩棕，笑指劇組畀集合地點叫佢去，幸好交通指引清晰，最終也能找到大隊。現場玩遊戲聽聲食過乜，山聰一聽就知食廿八級辣拉麵，自爆食完即喉嚨痛及生眼瘡，不過人一世物一世，當然要試。

    陳山聰受訪時表示，三十年內去過日本超過一百五十次，年青時是窮遊。自認是“Shopping怪”的他為買潮牌，連食都唔捨得食：“後生時去係為咗行街，買潮牌，嗰時銀彈有限，食都唔捨得食，只會吃最平的拉麵，連燒肉都唔敢食，寧願將錢用來買衫。”山聰又自爆當年與女友去日本，為了慳二百元只訂單人房，更要女友屈蛇入房，而房間更細到連喼都開唔到，他笑說：“仲要自己帶多個枕頭去，嗰時冇錢嘛，得幾千文玩四日三夜。”現在人大了，心態不同，加上有了兒子，會以兒子為先，有時間才會行街買自己的東西。