沈震軒大騷琴技冧粉絲

    剛推出新歌《最幸運的平凡人》的沈震軒(Sammy)，前日於奧海城舉行Music Live，唱足六首歌大騷琴技，仲首播素人版《車廂擺渡人》短片，將“平凡小確幸”進行到底。

    笑言自己“都係英皇新秀出嚟”的Sammy表示，之前在公司的Pop up Store做busking，重拾歌手身份，“大家都知道英皇係一間音樂好強嘅公司，好慶幸有機會可以再有新歌出現，第一首重新出發嘅歌曲，當然係想寫返啲關於自己好貼心感覺嘅嘢。”

    Music Live上，Sammy除了唱出新歌《最幸運的平凡人》，又以鋼琴自彈自唱《講多變真》、《越難越愛》、《約誓》、《修煉愛情》及由他作曲的舊作《我很好》。

    講到早前自編自導自演的《車廂擺渡人》短劇，Sammy原來亦有招募素人拍攝。今次Music Live首播素人版本，主角更專登到場支持，Sammy更特意走到台下與素人主角一同觀看短片。

    期間Sammy感動到眼濕濕，他解釋：“想透過平凡人嘅小故事，呈現生活中嘅溫暖時刻。”