吳若希冀台上行出“女神風”

    “吳若希《Gossip of Me》演唱會”澳門站將於本周六，在澳門葡京人H853娛樂館尚梯館舉行。吳若希(Jinny)把握時間到band房練歌，她非常期待在音樂總監梁榮智的巧手編曲，以及製作團隊細意安排下，屆時在尚梯館的所有觀眾，能感受和欣賞到他們的那份用心。

    Jinny表示：“仲有幾日就要喺澳門開Show，既緊張又焦慮，因為最近COVID真係好勁，今日彩排嘅歌已經預備好，但係我覺得自己未Ready，好緊張呀。我一陣就會去睇中醫，針一針灸自己嘅喉嚨，等自己把聲可以去到最好嘅狀態，先至可以表現到最Perfect畀大家聽。”她續說：“第一次係澳門尚梯館開演唱會，之前有經過但冇入到去，我會提早過去睇吓到底個場地係點樣，好似當我企係個台上面時同觀眾嘅距離有幾近，同埋我好希望試吓行嗰個Catwalk台，因為我花咗好多心機去行Catwalk，希望行出嚟有‘女神風’，唔知道到時台前會唔會準備咗風扇，吹住我等我有女神嘅髮型。”