黃秋生讚歐鎮灝裝嫩不違和

    《不赦之罪》一套以少年罪犯及寬恕為題材的電影，帶來兩代型男黃秋生和歐鎮灝(George)的合作，日前一起接受HoyTV主播俞詠文專訪。

    首次登上大銀幕已經和黃秋生和蘇玉華做對手戲，歐鎮灝既驚且喜。而秋生則大讚George的表現：“一般由電視台啱啱出嚟嘅人，要佢扮細個，就會變得好似白痴咁，爭在未畀個奶嘴佢食，但係George就冇囉。”

    早前歐鎮灝為了宣傳電影，以戲中的角色身份，在旺角街頭重演背十字架的戲份，最後還赤腳上陣。秋生哥亦自嘆不如：“乜而家嘅世界要做到咁嘅咩？我唔係話你唔好呀，畀我就一定唔做啦，對你嚟講係一個好好嘅經驗。而當我知道佢唔着鞋，我就話咗句，香港啲街道好污糟喎。想當年我好似你咁靚仔嘅時候，懶有型着草鞋出街，點知地下草脊啲細菌入腳，搞到爛咗好多年，爛完左腳到右腳爛，痛到行唔到路。”歐鎮灝笑言當日路人的表現很有鼓勵性，亦會講笑話，覺得香港人充滿幽默感。