三視帝冀原班人馬拍續集

    由無線三大視帝黃宗澤、馬國明與陳豪主演之新劇《執法者們》，自開播以來得到觀眾熱捧，於內地已突破三億播放量，成績斐然。一眾演員感激觀眾支持，馬國明更期望可以開拍續集，讓三大男神再一次合體，創收視奇跡。

    已進入結局篇的《執法者們》，劇中Big Boss已漸露真身，觀眾睇得肉緊，播放量再創新高。馬明見證播放量不斷上升，感到好振奮：“好多謝觀眾鍾意呢個劇，真係好希望公司可以原班人馬再開續集，同埋一個咁好嘅劇，希望香港可以盡快播出。”

    黃宗澤認為三人合作確實有成果，但他有新提議：“希望樂小姐（樂易玲）捉埋吳卓羲同林峯，五個一齊就更加好玩，但我相信都冇乜可能……哈。如果真係開續集，我希望啲打戲可以分勻啲，馬明要打、陳豪也要打，唔好集中我一個。”

    而陳豪就非常感謝觀眾對劇集的支持，能達到三億播放量，感覺得到鼓舞。他說：“我都好期待能夠拍續集，畢竟第一次合作就能夠得到好成績，希望成績可以延續落去。”