鄭秀文勁愛五臟六腑裙

    鄭秀文(Sammi)前晚在澳門威尼斯人金光綜藝館，舉行第七場《You & Mi鄭秀文澳門演唱會2025》，衛蘭擔任表演嘉賓。Sammi穿上殿堂級時裝設計師Tomas Chan為她度身訂造的“五臟六腑血管流淚裙”，令她愛不釋手。

    Sammi表示：“多謝Tomas Chan精心為我設計，用咗好多人手去縫製，其實係五臟六腑。有胸啦、有胃、呢個係子宮，好似仲有個腎。Tomas Chan嘅寓意係傷心到五臟六腑都識得流眼淚，呢條裙我特別鍾意，請畀掌聲Tomas Chan，好靚。”

    接着鄭秀文表示請到“好唱得”的表演嘉賓，《親密關係》音樂奏起，衛蘭升上台，全場尖叫。她們手拖手合唱，然後衛蘭讚Sammi啲衫好靚，Sammi風騷笑說：“人靚就着咩都靚。”衛蘭感謝她對自己的鼓勵，她說：“你畀咗好多信心我，好多年前鼓勵我去Keep Fit，我真係好努力做GYM。我好多謝你。”

    另外，許志安上台鋼琴彈奏《世紀末煙花》，Sammi說：“我想講，我好幸福，多謝你哋。”全場拍掌和歡呼聲。然後Sammi一聲“安仔”後，安仔甜笑點頭並接着合唱，場面溫馨。