張衛健鹹濕往事

    好鹹！好濕！好黑！有名有姓的牀上好鹹濕故事，你可願聞，請附耳過來——

    Big Four四子，八月紅館開騷，張衛健、許志安、梁漢文、蘇永康，行山商量大計，全程鬥嘴互窒，大揭黑歷史。話説二十年前，“小弟終於儲到個錢，買咗間屋。”梁漢文搶先爆料：“新居入伙，約班兄弟上來聚吓，有人飲醉咗，收埋枝豉油同茄汁在我張牀……。到我睡覺才發現，牀褥、被鋪都係豉油。”舊事未能忘，並暗指(Dicky)張衛健：“咁多年，都沒有賠返張牀畀我，牀單都冇呀！”

    遭衆人所指，Dicky扮可憐，“想點喎？賠返樽豉油和茄汁畀你囉！”少年不知愁滋味，梁漢文還爆，當年兄弟玩到好癲，再爆：“許志安等人，將毛公仔塞入冰箱，嚇到我老婆以為長出長毛怪肉。”四子狂笑。

    回憶都美好，二〇〇九年，Big Four兩度登陸紅館，及後巡演美國、英國、澳洲、馬來西亞等地，轉眼韶光，相隔十二年，再度紅館開騷。

    三十年老友鬼鬼，十分默契，仍相約行山密密斟 ，寓工作於娛樂……山野中，跑出一名長髮大漢，將Dicky緊緊攬着，看清楚，經常和周潤發一起跑山的蔡一智，衆人十分驚喜，深山遇故知。唔講唔知，蘇永康、梁漢文開始行山運動，受到阿智影響的。Dicky第一次參加，五人邊行邊説邊笑，之後，阿智離隊，四子繼續前行。

    張衛健感嘆：“以前大家見面，總會安排許多節目，疫情後，能約出來吃頓飯已很滿足……”倍感溫馨的，“每次約會都鬥準時，其他人都提早十幾分鐘到，我，剛好相約時間提前一分鐘。”

    高梁