連續十六年擔任禁毒大使

    陳曉琪籲青少年遠離毒品

    陳曉琪(Kellyjackie)、曹敏寶(Mable)及邱芷微(Chelffy)日前出席《無毒一生，燦爛人生2025》全港青少年造型設計比賽，宣揚青少年禁毒及健康校園的信息。Kellyjackie及曹敏寶更擔任表演嘉賓，上台獻唱。

    Kellyjackie除演唱名曲《他約我去迪士尼》外，還有禁毒歌曲《不可一不可再》，她坦承由二○○九年第一屆開始，已連續十六年擔任“禁毒大使”，心情確實帶點矛盾。她說：“雖然我有首禁毒歌《不可一不可再》，但成日都希望有朝一日唔需要再唱呢首禁毒歌，因為社會唔再需要禁毒，大家已經遠離毒品。”出任多年“禁毒大使”，她認為現在宣傳工作更困難，絕對不可以鬆懈：“現在太多科技，年輕人要接觸毒品渠道，容易過以前好多，可以好隱閉去做。所以人與人之間，更加要行多一步，多點關心身邊人，因為吸食咗毒品的副作用都好明顯，見到身邊人有異樣就要關心吓。”年前曾患抑鬱症的Kellyjackie，更加明白身心靈健康的重要性。

    曹敏寶全家齊來支持活動，作為六歲的囝囝和三歲囡囡的媽咪，看到近期吸食毒品的年紀愈來愈細，感到相當擔心。她說：“作為家長真係好驚，我有個姪女都係得十二、三歲，佢話都見到有好多朋友吸太空油毒品，首先唔知佢哋點解會買到，最擔心係佢哋太細個，根本唔知道禍害嘅層面，呢個責任就要交返畀大人，其實小朋友咁做離不開攞注意力，同埋就係冇抒發情緒嘅窗口，所以大人要主動去關注，同佢哋多啲傾偈了解有咩心事，面對緊咩困難。”

    邱芷微表示以前在英國升讀布萊頓大學（University of Brighton）時，住在大學宿舍，當時已見識到吸毒禍害。Chelffy當時仲試過被引誘過食軟性毒品，慶幸自己膽小最終沒嘗試。