劉德華邱禮濤互稱貴人

    劉德華與邱禮濤日前接受HOY TV主播俞詠文專訪，為電影《獵金遊戲》宣傳，首次拍攝商業罪案片，華仔表示拍攝這個題材是因為和大家息息相關。

    劉德華和最佳拍檔導演邱禮濤二人合作無間，亦認同是對方的貴人，華仔亦對導演好坦白：“之前佢有啲戲都拍得唔太好，我真係咁同佢講，但呢個人又真係好幫我，就算我Budget得十文，佢都會幫我拍。”而邱導亦覺得劉德華是自己貴人：“講真，我呢世人都冇乜大成功，直至二○一七年開始，《拆彈專家》、《掃毒2》，就係遇到劉德華嘅時間，相對地係紅過，所以絕對係互相嘅貴人。”

    而早前鄭則士提過如果學做人，一定要學劉德華，邱禮濤亦都非常認同：“因為之前我哋合作都係斷斷續續，但係到咗大約二○一六年開始合作無間，我覺得佢一日一日咁長大，人就越嚟越好，如果以前係八分好，而家係十分好。我覺得佢現在嘅事業，就係我要做個好人，呢個係佢嘅使命。呢行好多明星都會擺明星款，但係佢一定冇囉。”華仔回說：“我由無間道就開始咗‘我要做個好人’呢件事，我覺得只要對人好，自己條路自自然都會順暢啲，做人都會開心啲。”