歌迷掟大罩杯紅bra上台

    鄭秀文：係咪潤我太細

    前晚，鄭秀文(Sammi)在本澳威尼斯人綜藝館的第四場“You & Mi鄭秀文澳門演唱會2025”， 特別嘉賓洪嘉豪坦言收到Sammi邀請，而且被點唱《黑玻璃》時，非常受寵若驚。但最大驚喜是有歌迷掟出一個紅色bra上台，Sammi高舉笑言太大。當晚全場爆滿，來自世界各地歌迷捧場，Sammi十分感動。

    Sammi坦言私心想聽洪嘉豪現場演唱《黑玻璃》，洪嘉豪說：“當我收到Sammi嘅邀請，最驚訝係Sammi識我？有聽我嘅歌？仲指定要唱呢隻歌？我哋呢啲輩嘅歌手有時都會迷茫，收到Sammi邀請，覺得係一個肯定和榮幸。”Sammi說：“絕對係一個肯定，洪嘉豪係一位相當有實力嘅歌手，你去年首歌咁高點擊率、咁多人鍾意，一定有佢嘅道理，你唱都相當出色。”

    鄭秀文說：“今次我邀請嘅嘉賓都比較包羅萬有，有啲熟悉嘅面孔，有啲來自樂壇比較新嘅歌手。我覺得我年紀大咗，喺舞台上除咗自己嘅表演之外，仲有一份使命感，希望能夠將咁大嘅舞台，同一啲比較新晉嘅歌手，或者我自己覺得好欣賞嘅歌手，分享呢個舞台。”然後唱出《不要驚動愛情》，嘉賓洪嘉豪升上舞台，手拖手合唱，觀眾驚喜尖叫。

    昨晚現場觀眾非常熱情，Sammi與24HERBS和Matt Force演繹《愛是》、《愛是2.0》和《罪與罰》，以及與Rapper KALAI演唱《信者得愛》時，觀眾湧到台前，吶喊和跳舞，氣氛高漲。演唱會尾聲觀眾要Encore，Sammi化身“DJ Mi”一邊打碟一邊唱《煞科》，全場熱爆。之後她繞場邊唱《我們都是這樣在大的》，歌迷紛紛送她毛公仔和花，期間有人從觀眾席掟了一個紅色Bra上台，上面更繡了一對“Mi”字，全場O嘴！Sammi見狀執起高舉大笑：“呢個杯好大喎！”一邊唱歌一邊將Bra拼上身，笑說：“你係咪想潤我呀？買個咁大嘅。”她還將它當眼罩戴。