林家謙：我嘅音樂好似魚蛋粉

    資深廣播人梁兆輝(Brian)，為新城知訊台推出新節目《One Music Corner壹角樂》擔任主持。昨晚首集訪問嘉賓邀請唱作歌手林家謙。九一年曾任新城音樂總監的Brian強勢回歸，在節目中開咪劈頭第一句即說：“我希望嚟緊節目順順利利、大吉大利，所以搵咗個喃嘸師上嚟開光作法。”主唱《喃嘸師感官漫遊》的林家謙在旁大讚：“原來你咁有周詳計劃。”

    Brian形容林家謙有趣的地方，除了可以混雜港式和台式的歌，又可以駕馭到日式電視劇主題的音樂風格，讓大眾看到廣東歌的另一些可能，林家謙直言：“係，所以我都係食魚蛋粉大，我嘅音樂我會形容係魚蛋粉，魚蛋係代表香港嘅味道，但魚蛋要做得好食係好難，我最近鍾情某間魚蛋粉，真係好少搵到間做魚蛋好食嘅舖頭，唔係每次食都食到有魚味或彈口。”