母親節出席新片首映禮

    袁詠儀豪言票房佳着三點式

    電影《OMG! 阿媽有喜》專程在昨日母親節舉行首映禮，袁詠儀（靚靚）、陳峰、黃潔琪(Miko)、童繽毓和劉界輝等主演出席。眾人除了逐一向天下母親送祝福，陳峰更向片中太太靚靚送上鮮花歌頌做媽媽的偉大。靚靚就笑言兒子有約，佳節當前唯有“黐實”老公(Chi Lam)睇《中年好聲音3》總決賽。

    靚靚和Chi Lam的兒子張慕童(Morton)已快將十九歲，靚靚笑言雖然是母親節，但兒子早已有約，所以要“黐實”為《中3》擔任評審的老公睇決賽共度節日。問到兒子是否陪女友的媽媽過母親節，靚靚笑謂：“應該唔會啩，正確形容應該是‘好’朋友，亦應該未去到陪對方家長過節的程度，不過沒辦法，仔大仔世界，我只見過個女仔一面。（父子那個眼光好？）大家都有傾談過準則，我都有笑阿仔有異性冇人性，他反問我是什麼……不過兒子已年長，應該認識自己的朋友擴闊生活圈子，做媽媽的必須放手，而且我都不能爆兒子的料太多，作為媽媽的在適當時候要放手……總之做媽媽就難，問得多嫌煩，唔問又說唔關心。”靚靚續指不會為兒子交朋友呷醋，因其實兒子已跟她說過母親節快樂，並且知道父子二人都有商量如何為她慶祝，所以都很期待。

    至於來自馬來西亞的Miko表示會向片中的媽媽（靚靚）送飛吻，但親生媽媽就要候補食飯慶祝，並指每天都想念媽媽，不只在母親節，獲靚靚大讚乖女。Miko又指慶幸胞姐已婚，所以媽媽不會向她催婚，並透露稍後到菲律賓拍攝旅遊節目。靚靚亦高興指拍攝期間大家合作愉快，像一家人似的，自己亦趁機會了解現在年輕人的想法，笑言：“套了很多料。”問到如果票房理想會否母女檔齊齊三點式泳裝報捷，靚靚豪氣道：“阿女穿短裙，由我來露三點，露哪三點無需說明，哈哈。”