楊受成擺慶功宴賀惠英紅封后

    大滿貫影后惠英紅早前於第二十屆中國電影華表獎獲頒“優秀女演員”獎，成為香港第一人獲得這個國家級殊榮，絕對是為港爭光。英皇集團主席楊受成博士日前豪搞慶功宴，更出動新鮮出爐金像影后衛詩雅、泳兒、周家怡、伍詠薇、何珮瑜、楊天宇、李靖筠等群星拱照，場面熱鬧！

    紅姐感觸爆燈說道：“好感激英皇娛樂一路對我都咁好，要感激Mani（霍希汶），更加要感激我老闆，喺咁多年裏面，公司一直喺後面一路頂住，我覺得我一定要爭氣，我唔可以丟英皇嘅架。”全場拍手歡呼，她續說：“公司知我身體有啲問題出現，但係我覺得呢啲都係小問題，最緊要我會表現好，同埋我要攞好成績，令到老闆唔會對我失望。跟住落嚟我都會一樣，我唔會因為年紀大要做輕鬆啲，我覺得上天畀咗一個咁好嘅老闆我，出咗咁多力喺我背後，呢個我要感恩，所以我唔會浪費每一次機會。”

    楊受成開心到預言：“紅姐今次前無古人，下次可能輪到拎奧斯卡終身成就獎。”紅姐即霸氣接招：“我加油！”楊博士又自爆紅姐領獎當日，公司三喜臨門，“衛詩雅攞影后、謝霆鋒演唱會四場圓滿，我喺呢度再預祝紅姐攞奬攞到唔停手。”