澳門演唱會開鑼

    鄭秀文首場嘉賓胡定欣

    前晚，鄭秀文(Sammi)在澳門威尼斯人綜藝館的八場《You & Mi鄭秀文澳門演唱會2025》開鑼，寰亞集團老闆林建岳出席捧場。Sammi今次帶領四十位dancers來澳門開演唱會，四面台設計，並加入很多全新巨型裝置、與香港站完全不同的服裝，加上一把長及腰的金色曲髮全新造型，令人耳目一新，為歌迷帶來不少驚喜，精彩演出令人眼前一亮。

    演唱會一開始，Sammi從天而降，加上煙火效果震撼全場。頭場表演嘉賓胡定欣，與Sammi合唱《談情說愛》。Sammi說：“大家會覺得好好奇，點解會請定欣做我演唱會嘉賓？佢又唔係歌手。就係因為我知道佢好鍾意唱歌，我哋每個禮拜喺同一個地方上堂，好有緣份，友情就係慢慢喺呢啲見面建立。”定欣非常多謝Sammi：“好耐之前佢已經同我講過，好鍾意睇我嘅劇集，有留意我嘅演出，佢畀好多支持我。”

    定欣對Sammi說：“你嘅歌都係陪住我成長，係我夢想嘅一環，所以我今日真係好開心，可以做你嘅嘉賓。”雖然定欣講到聲震，顯得激動和緊張，但演出穩定。二人擁抱後，Sammi對觀眾說：“希望大家用支持我嘅掌聲畀胡定欣！”全場歡呼。其實她們早有淵源，都是參加歌唱比賽入行，胡定欣於九九年參加無線電視製作及華星娛樂有限公司主辦的《全球華人新秀歌唱大賽》。

    Sammi換上全新黑色閃爆造型、配上一頭長金髮和金色面具，型格十足，演唱《朝聖》、《發熱發亮》後，再換上另一條黑色長裙唱出《我們的主題曲》和《親密關係》，為演唱會揭開序幕。Sammi說：“又係一套新衣服，完全係一個不惜工本嘅騷，換個新騷咁做，希望將香港最好睇、最精嘅部分搬嚟澳門。”接着她換了紅色舞衣，與蔡浩然(Scott)表演《唉聲歎氣》，期間二人擁抱又疑似親嘴，還大跳火辣椅子舞，觀眾看得熱血沸騰，不斷尖叫。

    演唱會尾聲，觀眾熱烈encore，Sammi再度登場，她化身“DJ Sammi”演唱《煞科》兼打碟，大騷腹肌，還不斷撥動長髮，全場嘩聲四起，加上四十位dancers一起登場，令演唱會舞台變成disco舞池，全場觀眾high爆跟着跳舞。最後Sammi唱《我們都是這樣長大的》，以及她人生第一首國語歌《值得》，演唱會圓滿結束。