劉小慧回憶出道經歷

    日前，劉小慧與大女兒蘇君蕎(Yumi)到電台接受李有毅和兒子李國煒主持的節目錄音訪問。小慧在節目中提到當初是胞兄獲星探發掘，對方帶同她去試鏡，最終她獲得合約，並且邊拍廣告、電影邊讀書，之後更踏上歌星之路。小慧表示：“我唔係五音不全，但肯定唔係專業，唔似黎瑞恩係歌女，好細個已經喺合唱團。當年寶麗金歌手全部實力派，但出咗啲偶像派又好成功，我一定係偶像派。”

    問小慧跟圈中哪位藝人最好朋友，小慧直言是已故歌手李國祥(KC)，她表示：“KC係我一生人裡面最好嘅朋友，佢知我最多秘密同最深入。”

    小慧和丈夫蘇志威育有兩名女兒，小慧形容兩位寶貝女是上天賜她的最大禮物，她補充說：“當然第一大禮物係我老公，冇佢就唔會有呢兩個女，佢畀咗我一個好完整嘅豐富人生。”

    問Yumi可有被星二代這個標籤所影響，她表示：“冇乜大影響，咁我真係嘛（星二代），反而對外界聲音我會比較敏感，會有啲壓力，驚大家唔知點睇，如果我失敗咗會點呢，依家啲評語都好激烈，我都有啲怕。”